A igrexa de Ancorados segue o esquema de nave única e ábsida rectangular datable nos anos finais do s. XII. Este templo, de sinxela factura e ornamentación, foi refeito en parte cando se cambiou a primitiva cuberta de madeira pola bóveda de pedra. No muro sur cegouse a porta e a ventá saeteira mentres que no muro norte perviviron ambos elementos.
No testeiro sobresae a fiestra central con arquivolta sobre columnas. Culmina a cabeceira unha curiosa cruz de entrelazos. Na parte norte da ábsida engadiuse unha sancristía na que apareceron recentemente varios canzorriños románicos que orixinalmente estaban no exterior.
Esta páxina web utiliza cookies para mellorar a súa experiencia de navegación. Máis información sobre como usamos as cookies e de que maneira pode cambiar a súa configuración
