O pazo de Oca é, seguramente, o máis representativo dos pazos de Galicia.
O trazado dos xardíns, da segunda década do XVIII, é produto e reinterpretación da tradición paisaxística francesa. Compóñense de espazos articulados independentemente, con fasquía propia. O xogo barroco das perspectivas e o fluír da auga combínanse co granito e especies vexetais insólitas.
O pazo de Oca é propiedade da Fundación Casa Ducal de Medinaceli e forma parte da Ruta da Camelia. Un percorrido de norte a sur de Galicia a través de 12 pazos e xardíns, públicos e privados. Cerca de 8.000 variedades de camelias en xardíns vinculados ao patrimonio histórico de Galicia.
Época de floración da camelia no pazo de Oca: de xaneiro a abril.
